Lawa mare na mungshawa dum nta hpe gumshem Myen hpyen dap ni wan nat jahten

Danai Ledo lam, Lawa mare na mungshawa ni a dum nta hpe gumshem Myen hpyen dap pawng hpawm hpyen hpung ni wan nat jahten ai lam galaw nga ai hpe chye lu ai.

April shata 16 ya shani kaw nna 17 ya shani du hkra, gumshem Myen hpyen dap hte Min Zay Thant P.T.Ts, Sam Hkyeng P.T.Ts pawng hpawm hpyen hpung ni, Lawa mare na mungshawa ni a dum nta hpe wan nat jahten ai lam galaw nga ai nga nna, ginra masha ni tsun ai.

Lawa mare hta KIA pawng hpawm hpyen hpung ni hte gumshem Myen hpyen dap, P.T.Ts pawng hpawm hpyen hpung ni gasat gala majan byin nga ai hta ya na zawn wan nat jahten ai lam hpe mung, galaw nga ai hpe chye lu ai.

Gumshem Myen hpyen dap ni gan gap hkat jahkring na matu ndau laika shapraw da ai raitim, hpyen shamu shamawt n-gun htu shadut ai lam ni galaw nga ai sha n-ga, nbungli ni hte mung ding yang gap gasat nga ai lam matut chye lu ai.