Sanun Kawng kaw gasat gala majan byin
KIA Masat (9) Dap Ba, Masat (26) Dap Dung ginra, Sanun Kawng kaw gasat gala majan byin ai lam chye lu ai.
May shata 14 ya jahpawt hkying 5:40am aten daram kaw nna, Uru Ginwang, Nawng Lut ginra, Sanun kawng kaw KIA pawng hpawm hpyen hpung ni hte gumshem Myen hpyen dap pawng hpawm hpyen hpung ni gasat gala majan byin ai lam, shawnglam lit nga ai salang ni kaw na chye lu ai.
KIA pawng hpawm hpyen hpung ni gasat zing madu la lu sai, Sanun Kawng post hpe gumshem Myen hpyen dap hte Sam hkyeng P.T.Ts pawng hpawm hpyen hpung ni htu shadut htim gasat wa ai majaw, gasat gala majan byin wa ai re lam chye lu ai.
Gumshem Myen hpyen dap pawng hpawm hpyen hpung ni gaw, ya aten Hpakant ginra de mung, hpyen n-gun kaba hte htu shadut nga ai majaw, shani shagu ngu na gasat gala majan byin nga ai sha n-ga, Manmaw ginra hta mung, gasat gala majan laja lana matut byin nga ai lam chye lu ai.
