Waimaw ginra gasat gala majan matut byin nga

Waimaw ginra hta KIA hte gumshem Myen hpyen dap ni gasat gala majan matut byin nga ai lam chye lu ai.

May shata 24 ya shani du hkra, Waimaw ginra Lamyang mare grup yin hta KIA hte gumshem Myen hpyen dap pawng hpawm hpyen hpung ni gasat gala majan matut manoi byin nga ai lam, shawnglam lit nga ai salang ni tsun ai.

Lamyang mare grup yin hta May shata 23 ya shani kaw nna, gumshem Myen hpyne dap hte P.T.Ts pawng hpawm hpyen hpung ni kalang bai htu shadut lung wa ai kawn, gasat gala majan matut byin nga ai hta M.P.Hk kaw nna mung, laknak kaba hte gap gasat ai sha n-ga, nbungli hte mung wa gap gasat nga ai lam chye lu ai.

Matut nna Hpakant lung wa lam grup yin hta mung, gumshem Myen hpyen dap hte P.T.Ts pawng hpawm hpyne hpung ni htu shadut nga ding yang re ai majaw, shani shagu ngu na gasat gala majan matut byin nga ai lam chye lu ai.