Namting kaw gasat gala majan byin
Hpakant ginra Namting kaw gasat gala majan byin ai lam chye lu ai.
May shata 26 ya jahpawt hkying 3:00am aten daram kaw nna, Namting mare grup yin kaw KIA hte gumshem Myen hpyen dap ni gasat gala majan byin ai lam, lit nga ai salang ni kaw na chye lu ai.
Gumshem Myen hpyen dap ni gaw laiwa sai April shata htum wa maga kaw nna, Hpakant ginra de htu shadut lung wa nga ai hta Namting mare grup yin de du lung wa ai majaw, gasat gala majan byin wa ai re lam chye lu ai.
Waimaw ginra hta mung gumshem Myen hpyen dap hte P.T.Ts pawng hpawm hpyen hpung ni hpyen shamu shamawt htu shadut nga ai majaw, shani shagu ngu na gasat gala majan matut byin nga ai lam chye lu ai.
