Hpakant ginra Myen hpyen dap laknak kaba a majaw, mungshawa si hkala hkrum
Hpakant ginra hta gumshem Myen hpyen dap ni gap dat ai laknak kaba si a majaw, mungshawa si hkala hkrum ai lam chye lu ai.
June shata praw 6 ya shana hkying 9:10pm aten daram hta Hpakant tatma kawng kaw na gap dat ai laknak kaba si, Lawnghkang mare ခွန်ဆာကုန်း kaw wa hkrat kapaw ai majaw, mungshawa marai (9) asak si sum mat ai lam, ginra masha ni kaw na chye lu ai.
Laknak kaba si gaw Salang Lahpai Naw Mai hte Salang Lahpai La Nu yan nau a dum nta kaw wa hkrat kapaw ai majaw, shan nau a chying hkai kanu, shan nau a madu jan yan hte shan nau a kasha marai (4) asak si sum mat ai lam chye lu ai.
Hpakant ginra hta gumshem Myen hpyen dap ni gaw ya aten, laknak kaba, drone ni hte hkrup mara gap gasat ai lam, lung seng company ni hpe wan nat jahten ai lam ni ding yang galaw nga ai sha n-ga, hpyen n-gun htu shadut shamu shamawt ai lam ni hpe mung, galaw nga ai lam chye lu ai.
Putao ginra hta mung gumshem Myen hpyen dap ni kawn, hpyen rim lahkawn, hpyen training jaw ai lam galaw nga ai rai nna, dai ginra nga ai P.T.Ts hpyen hpung ni hpe mung, nbungli hte laknak arung arai wa htaw jahkrat ya ai lam ni galaw nga ai hpe matut chye lu ai.
