Myitkyina Muklum kata without modo cycle ding yang rim nga
Myitkyina Muklum kata gumshem Myen hpyen dap hte Myen balik dap ni without modo cycle ding yang rim nga ai lam chye lu ai.
May shata htum wa maga kaw nna, Myitkyina muklum kata gumshem Myen hpyen dap hte Myen balik dap ni pawng nna, without modo cycle ding yang rim nga ai majaw, hkawmsa hkawmwa yakhkak nga ai lam, ginra masha ni kaw na chye lu ai.
Gumshem Myen hpyen dap ni gaw, rim tawn da sai without modo cycle nkau hpe gumhpraw hte bai shaw la shangun ai lam ni nga ai raitim, nkau hpe gaw bai njaw ai sha shanhte la kau ya ai lam ni galaw nga ai hpe chye lu ai.
Ndai zawn without modo cycle rim nga ai hta ya aten jawng lung nga ai aten ladaw mung re ai majaw, jawngma ni jawngsa jawngwa hte hkawmsa hkawmwa htawwa htawsa lam shagu hta hkrit tsang let sha hkawmsa nga ra ai lam chye lu ai.
Matut nna Mogaung hte Namti ginra ni hta mung, without modo cycle rim ai lam galaw nga ai majaw, mungshawa ni hkrit tsang let sha hkawmsa nga ra ai rai nna, lam shagu hta yakhkak nga ai lam chye lu ai.
