Ninggawn mungmasa hte Pati a gaw da tara sharin hpawng galaw

Wunpawng Mungdan Shanglawt Asuya, Ginjaw Komiti a masing hte maren, Pang Wa uphkang gaiwang kata nga ai mungshawa ni hpe ninggawn mungmasa hte pati a gaw da tara sharin hpawng lamang hpe June (30) ya shani galaw ai lam chye lu ai.

Hpawng hta Du Kaba Lahtaw Myu Awng kawn, ninggawn mungmasa lam yan hpe sharin ya ai rai nna, Du Kaba Maran Zau La kaw nna, KIO a gaw da tara ni hpe sharin ya ai re lam, lit nga ai salang ni tsun ai.

Sharin hpawng galaw ai lam gaw, Pang Wa uphkang ginra hpe KIO asuya kawn jum tek woi awn taw nga sai majaw, ninggawn mungmasa lam yan hte KIO a gaw da tara ni hpe mungchying mungshawa ni atsawm sha chye na ai hte hkansa lu na matu sharin ya ai re lam chye lu ai.

Hpawng lamang hta Pang Wa uphkang gaiwang kata nga ai mungshawa ni nawku hpung shagu na hpung magam gun sara/num ni, ramma ni hte magam gun ni yawng marai (185) sa du sharin hkamla sai re lam chye lu ai.