Hpakant kaw Myen hpyen dap ni nbungli hte wa gap gasat

Hpakant ginra hta gumshem Myen hpyen dap ni nbungli hte wa gap gasat ai lam chye lu ai.

July shata 13 ya shana daw hkying 5:20pm aten daram hta Hpakant Mawmaw bum hpaji jawng kaw gumshem Myen hpyen dap ni nbungli hte bawm wa jahkrat gap gasat ai lam, ginra masha ni kaw na chye lu ai.

Ndai jawng gaw gumshem Myen hpyen dap a, asuya lahta tsang jawng rai nna, nbungli bawm wa jahkrat bun ai hta mungshawa hkra hkala ai lam hpa nnga ai raitim, hpaji jawng htenza mat ai lam chye lu ai.

Hpakant ginra hta ya aten gumshem Myen hpye dap ni hpyen n-gun htu shadut, hpyen shamu shamawt ai lam ding yang galaw nga ai majaw, KIA ni hte gasat gala majan mung jahkring hkring byin nga ai re.

Matut nna Manmaw hte Waimaw Lamyang ginra ni hta mung, gumshem Myen hpyen dap ni shani shagu ngu na nbungli, drone ni hte gap gasat ai lam galaw nga ai hpe chye lu ai.