Mai Nawng kaw gasat gala majan matut byin nga

KIA Masat (9) Dap Ba ginra, Mai Nawng kaw KIA hte gumshem Myen hpyen dap pawng hpawm hpyen hpung ni gasat gala majan matut byin nga ai lam chye lu ai.

August shata 18 ya shani du hkra, Mai Nawng kaw gumshem Myen hpyen dap, Sam hkyeng P.T.Ts pawng hpawm hpyen hpung ni hte KIA ni gasat gala majan matut byin nga ai lam, lit nga ai salang ni kaw na chye lu ai.

Mamung Kai hte Mai Nawng dap shara hpe August shata 16 ya shani KIA pawng hpawm hpyen hpung ni bai htim gasat zing la sai raitim, Mai Nawng kaw gasat gala majan naw matut byin nga ai lam chye lu ai.

Mamung Kai hte Mai Nawng dap shara gaw, laiwa sai July shata hta KIA pawng hpawm hpyen hpung ni gan yen kau da ai shara rai nna, August 16 ya shani bai gasat zing la lu sai re lam chye lu ai.