SSPP/SSA hte Myen hpyen hpung ni gasat majan byin
Myungmyit Sinli Ga ( Kachin Sub-State ) KIA Dap Ba ( 6 ) Dap Dung ( 2 ) ginra hta shamu shamawt nga ai Myen hpyen dap Hk.M.Y ( 368 ) na hpyen hpung hte SSPP/SSA hpyen hpung ni, October 15 ya shani ka-ang hkying 12:45pm aten hta Nam Hkai hte Nam Ngu mare lapran kaw gasat gala majan byin ai lam, hpyen shisawk ni kawn chye lu ai.
Gasat gala majan byin ai hta Myen hpyenla marai ( 2 ) hkala hkrum ai, SSPP/SSA hpyenla marai ( 5 ) gaw Myen hpyenla ni a lata hta rim hkrum nna, October 16 ya shani Nam Jarap de woi yu mat wa sai lam chye lu ai.
Ya aten Jinghpaw Mung, KIA Dap Ba ( 2 ) ginra Hpakant hte Danai Lidu lam mayan hta mung Myen hpyen dap ni, hpyen n-gun jat nga ai hte hpyen dap galai kachyai hpyen shamu shamawt nga ai lam, buga masha ni kawn chye lu ai.
