Langse ginra kaw gasat gala majan matut byin
Langse ginra de gumshem Myen hpyen dap hte Hkawnglanghpu, Pyi Tu Tsit pawng hpawm hpyen hpung ni htu shadut wa ai majaw, gasat gala majan matut byin nga ai lam chye lu ai.
September shata 20 ya jahpawt hkying 5:00am aten daram kaw nna, KIA pawng hpawm hpyen hpung ni hte gumshem Myen hpyen dap hte P.T.Ts pawng hpawm hpyen hpung ni gasat gala majan matut byin nga ai lam, lit nga ai salang ni kaw na chye lu ai.
September 19 ya shani kaw nna, Langse ginra de htu shadut wa ai gumshem Myen hpyen dap hte P.T.Ts pawng hpawm hpyen hpung ni, Lahuse bum mayan kaw gasat poi byin ai re. dai ni September shata 20 ya shani bai matut htu shadut wa ai majaw, gasat gala majan matut byin nga ai rai nna, ya aten lahkawng maga hpyen masa shaja hkrat nga ding yang re.
Langse ginra hpe laiwa sai 2024 ning November shata praw 10 ya shani hta KIA pawng hpawm hpyen hpung ni gasat zing da sai shara de gumshem Myen hpyen dap hte P.T.Ts pawng hpawm hpyen hpung ni htu shadut wa ai majaw, gasat gala majan byin wa ai re hpe mung chye lu ai.
