Sanchyoi company na jak rung jak rai ni hpe Myen hpyen dap wan nat jahten
Hpakant Sanchyoi ရတနာမိုးမြေ company na jak rung jak rai ni hpe gumshem Myen hpyen dap ni wan nat jahten kau ya ai lam chye lu ai.
October shata praw 3 ya jahpawt hkying 8:00am aten daram hta Sanchyoi ရတနာမိုးမြေ company na Backhole, Modo jak rung jak rai hte dum nta ni hpe gumshem Myen hpyen dap ni wan nat jahten kau ya ai lam, ginra mungshawa ni kaw na chye lu ai.
Hpakant ginra hta ya aten gasat gala majan byin ai lam nnga ai raitim, lahkawng maga hpyen masa shaja hkat nga ai hta Hpakant Byuha kawng kaw na Seng Tawng hte makau grup yin shara ni hta shani shagu ngu na laknak kaba hkrum mara gap shadam bun nga ai lam chye lu ai.
Gumshem Myen hpyen dap ni gaw, Hpakant ginra hpe bai jum tek lu na matu, hpyen n-gun kaba hte htu shadut nga ai rai nna nbungli, drone, laknak kaba ni hte hkrup mara gap gasat nga ai majaw, mungshawa ni si hkala hkrum nga ai sha n-ga, dum nta ni hten za mat ai hte hpyen koi yen ai mungshawa ni mung, lani hte lani grau grau law wa nga ai hpe mung chye lu ai.
