Siden hpyen yen mungshawa ni n-gu malu masha hte kaga langrung langrai ra ahkyak nga

Oplus_131072

Namti Siden Yang mare kaw hpyen koi yen nga ai mungshawa ni n-gu malu masha hte kaga langrung langrai ni ra ahkyak nga ai lam chye lu ai.

Siden hpyen yen mungshawa ni gaw hpyen koi yen wa ai aten hta hkum lawt daw sha hprawng koi yen wa ai majaw, ya aten n-gu malu masha, di mala hka wan, kaga langrung langrai ni ra ahkyak nga ai rai nna, nsung ta aten ladaw mung du wa sai majaw, lum bu hpun palawng, yup ra hpun nba ni ra ahkyak, yakhkak hkrum nga ai lam hpyen yen mungshawa ni kaw na chye lu ai.

Ndai hpyen yen mungshawa ni gaw, Hpakant ginra hta gasat gala majan byin wa ai majaw, Seng Hpra mare kaw na hpyen hprawng koi yen wa ai ni rai nna, ya aten  lam amyu myu hta yakhkak hkrum nga ai lam chye lu ai.

Siden hpyen yen dabang kaw hpyen koi yen nga ai hpyen yen htinggaw (19) nga ai rai nna, hpyen yen mungshawa marai (89) nga ai re hpe chye lu ai.