Ginjaw Komiti kawn (65) ning hpring KIO masat ninghtoi hpawng galaw
Wunpawng Mungdan Shanglawt Hpung Ginjaw Komiti kaw nna, (65) ning hpring KIO masat ninghtoi hpawng lamang hpe October shata 25 ya jahpawt hkying 7:00am aten, Laiza kaw galaw la lu sai re.
Hpawng hta Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyen Dap Dap Up Daju, Du Daju Jum Nban La a (65) ning hpring KIO masat ninghtoi mungga hpe Sara Kaba Sumlut Gam (Wunpawng Mungdan Shanglawt Hpung Ginjaw Komiti Tingnyang Up Malai (2) kaw nna hti shalai ya ai lam galaw ai.
Dai ni na hpawng lamang hta nawku hpung woi sara ni, Ginjaw Komiti salang ni, Magam Dap Lit Hkam ni hte Ginjaw Komiti rung magam gun ni sa du shanglawm ai hte galaw la lu sai re.
KIO masat ninghtoi hpawng lamang hpe laiwa sai aten, mungshawa dap shawa law law hte galaw ai raitim, ya aten na hpyen masa mung masa lam amyu myu a majaw nlu galaw mat ai re lam chye lu ai.
