Hkawng Lang Hpu ginra de Myen hpyen dap ni hpyen n-gun jat htu shadut nga
KIA Masat (7) Dap Ba, Hkawng Lang Hpu ginra de gumshem Myen hpyen dap ni hpyen n-gun jat htu shadut nga ai lam chye lu ai.
Hkawng Lang Hpu ginra na, P.T.Ts dap shara (2) hpe KIA pawng hpawm hpyen hpung ni October shata 28 ya shani gasat zing madu la kau ai hpang, ndai laman gumshem Myen hpyen dap ni hpyen n-gun jat htu shadut nga ding yang re ai lam, ginra masha ni kaw na chye lu ai.
Gumshem Myen hpyen dap ni gaw Putao Hk.L.Y (46) dap de hpyen n-gun, laknak arung arai hte malu masha ni htaw sa nga ding yang rai nna, hpyen shamu shamawt nga ai lam chye lu ai.
October shata laman KIA pawng hpawm hpyen hpung ni Hkawng Lang Hpu ginra na, P.T.Ts dap shara (4) hpe gasat zing la lu ai hta gumshem Myen hpyen dap ni gaw, Putao ginra de hpyen n-gun jat, htu shadut nga ding yang re ai lam chye lu ai.
