Hpakant ginra hta gasat gala majan byin
Oplus_131072
Hpakant ginra hta KIA pawng hpawm hpyen hpung ni hte gumshem Myen hpyen dap ni gasat gala majan byin nga ai lam chye lu ai.
November shata 10 ya jahpawt kaw nna, Hpakant Mawsiza hte Lawng Hkang grup yin de gumshem Myen hpyen dap ni hpyen n-gun htu shadut shamu shamawt wa ai hpe KIA pawng hpawm hpyen hpung ni hkap shingla gasat ai kawn gasat gala majan byin wa ai re lam, lit nga ai salang ni tsun ai.
Gasat gala majan byin ai aten, Hpakant Byuha kawng kaw na laknak kaba hkrup mara gap shadam bun ai hta mungshawa ni nga ai shara hkan wa hkrat kapaw ai majaw, mungshawa nkau hkra hkala hkum ai lam ni nga ai raitim, marai kade hkra hkala hkrum ai lam tup hkrak nchye lu ai re.
Gumshem Myen hpyen dap ni gaw ndai laman, Hpakant ginra kata shawoi na hta grau hpyen n-gun kaba hte htu shadut shamu shamawt hkawm nga ai majaw, ya aten lahkawng maga hpyen masa shaja hkat nga ding yang rai nna, gumshem Myen hpyen dap ni mungshawa nta hkan shang rim jep, sawk jep ai lam ni hpe mung galaw nga ai lam chye lu ai.
