Manmaw hpyen yen mungshawa ni n-gu malu masha yakhkak wa

Gasat gala majan a majaw Manmaw ginra na hpyen koi yen nga ai mungshawa ni n-gu malu masha yakhkak wa nga ai lam chye lu ai.

Manmaw ginra hta laiwa sai 2024 ning December shata praw 4 ya shani kaw nna, gasat gala majan byin wa ai majaw dai ginra hkan na mungshawa ni ya aten hpyen koi yen nga ai hta n-gu malu masha lani hte lani grau grau yakhkak wa nga ai re lam, hpyen yen mungshawa ni kaw na chye lu ai.

Hpyen koi yen wa ai aten madu hkum lawt daw sha hprawng koi yen wa ai majaw, ya aten garum ningtum mung ding yang nlu rai, n-gu malu masha dum hprut wa nna, lani hte lani grau grau yakhkak wa nga ai re lam chye lu ai.

Manmaw ginra gasat gala majan byin nga ai laning mi du wa sai hte maren, dai ginra hkan na hpyen yen mungshawa 10000 mi jan gaw, hpyen yen aten ladaw na wa ai hte maren lam amyu myu hta grau grau yakhkak wa nga ai re lam chye lu ai.