Mashi kahtawng kaw Myen hpyen dap ni drone bawm wa jahkrat bun

Hpakant Mashi kahtawng kaw gumshem Myen hpyen dap ni drone bawm wa jahkrat bun ai lam chye lu ai.

November shata 18 ya shani hkying 1:45pm aten daram hta Mashi kahtawng Jam Gat maw kaw gumshem Myen hpyen dap ni drone bawm (3) lang wa jahkrat bun ai majaw, mungshawa hkra hkala hkrum ai lam, ginra masha ni kaw na chye lu ai.

Drone bawm wa jahkrat bun ai hta mungshawa marai kade hkra hkala hkrum ai hpe nchye lu ai rai nna, ndai maw gaw jak rung jak rai kaba nlawm ai sha, mungshawa ni dangdi dangdep ai daram lata hte htu sha ai shara kaw drone bawm wa jahkra bun ai re lam chye lu ai.

Hpakant ginra hta gumshem Myen hpyen dap ni laknak kaba hkrup mara gap shadam ai lam, gasat gala majan nbyin ai shara hkan raitim, nbungli, drone ni hte ding yang gap gasat nga ai majaw, mungshawa si hkala hkrum nga ai hte dum nta law law hten za hkrum nga ai re.