Tara nshang ai ra lata poi hpe ninghkap shawa n-gun madun ai lam galaw
Gumshem Myen hpyen dap ni galaw na tara nshang ai ra lata poi hpe ninghkap shawa n-gun madun ai lam galaw ai hpe chye lu ai.
November shata 20 ya jahpawt, Hpakant ginra hta tara nshang ai ra lata poi hpe ninghkap ai hku nna, mungshawa marai 50 grup yin maw shinggrup shawa n-gun madun ai lam galaw ai hpe ginra masha ni kaw na chye lu ai.
Shawa n-gun madun ai lam hta သင့်မဲဖြင့် တရားဝင် လူသတ်ခွင့်မပေးပါနဲ့၊ ဖက်ဆစ်ရွေးကောက် ခွေးထွက်ပေါက် မဲမပေးနဲ့ သပိတ်မှောက်”၊ “အာဏာရှင် လုပ်တဲ့ ဒီမိုကရေစီ အပြောင်းအလဲဆိုတာ ဖာခေါင်းကလုပ်တဲ့ ပြည်တန်ဆာ ပပျောက်ရေးလိုပဲ ဖြစ်လိမ့်မယ် ngu ai laika pa hpai nna, tsun marawn maw shinggrup shawa n-gun madun ai re lam chye lu ai.
Hpakant ginra hta gaw laiwa sa aten ni hta mung, gumshem Myen hpyen dap ni daru magam ahkang aya zing madu kau ai hpe ginra mungshawa ni ding yang ninghkap shawa n-gun madun ai lam ni galaw nga ai re.
Gumshem Myen hpyen dap ni gaw du wa na December shata hta ra lata poi galaw lu hkra ladat amyu myu hku nna shakut nga ai rairim, Myen mung kata nga ai mungshawa ni gaw dai ra lata poi hpe tara nshang ai ra lata poi re nga nna, ninghkap shawa n-gun madun ai lam ni galaw nga ai hpe chye lu ai.
