Gumshem Myen hpyen ni, Rakhine Mungdaw Mrauk U tsi rung kaw nbungli bawm jahkrat bun ai majaw, mungshawa marai 30 daram asak si sum nna hkala ai masha law
Rakhine Mungdaw Mrauk U tsi rung kaw gumshem Myen hpyen ni, December shata praw 10 ya shana hkying 9:13pm aten hta nbungli bawm pawng 500 lahkawng wa jahkrat gasat ai majaw, mungshawa marai 30 daram asak si sum nna, hkala ai masha law ai lam, ginra shiga lawk kaw na chye lu ai.
Ndai tsi rung kaba hta gaw, machyi makaw byin hkrum nga ai mungshawa masha ni tsi tsi hkamla nga ai mungshawa tsi rung kaba re hpe chye nga ninglen masing nga nga hte da sang nbungli bawm jahkrat gasat ai re lam, ginra masha ni tsun ai kaw na chye lu ai.
Hkala sawng ai kaw na asak si sum ai masha naw jat wa mai ai hte tsi rung dum nta mung wan hkru hten za mat ai lam chye lu ai. Gumshem Myen hpyen dap ni gaw, nbungli hpe jai lang nhtawm, mungshawa ni nga law ai shara hpe madung tawn nna bawm jahkrat gasat nga ai hpe chye lu ai.
