MNDAA kawn shara zing madu la wa ai hpe ginra masha ni ninghkap

Mungmau Ginwing, Nam Um mare kaw MNDAA (Kokang) ni mungshawa ni a lamu ga shara hpe zing madu la wa ai majaw, ginra masha ni nra sharawng ninghkap ai lam galaw ai hpe chye lu ai.

MNDAA hpyen hpung ni gaw, mare masha ni hpe san jahkrup ai lam nnga ai sha, mare masha ni a dum su u lawng ni hpe jahten kau ya ai sha n-ga, mare masha ni a sum wang shara ni hpe zing madu la wa ai hpe ginra masha ni nra sharawng ninghkap ai lam re, nga nna ginra masha ni tsun ai.

January shata praw 6 ya shani hta mung, ginra mungshawa ni hte MNDAA lit nga ai salang ni bawngban jahkrup ai lam nga ai raitim, ya du hkra atsawm bawngban jahkrup la lu ai lam nnga ai re hpe chye lu ai.

Ndai mabyin lawnglam gaw, laiwa sai December shata hta MNDAA hpyen hpung ni ginra masha ni a sum wang shara hta shanhte a hpyen dap shara shatai la wa ai hpe mungshawa ni ninghkap ai kaw na byin wa ai manghkang re lam chye lu ai.