Magam gun marai 34 a pawnghpawm hkungran ga shaka la akyu hpyi hpawng galaw

Hpyen magam gun marai 34 a pawnghpawm hkungran ga shaka la akyu hpyi hpawng hpe October 26 ya jahpawt hkying 9:00am aten kawn shani ka-ang hkying 12:00non aten du hkra, ginjaw shimlam ni woi awn nhtawm, Laiza Muklum Shinli lu sha seng kaw galaw ai lam chye lu ai.

Num la ahkang lu nna dinghku de tim, hpyen majan sat lawat a majaw, hkunggan ga shaka nla shi ai magam gun dinghku ni hpe hpung up ni hte wa jau ni kawn hkungran lakmat jaw ya ai.

Ndai zawn re ai pawnghpawm hkungran akyu hpyi hpawng hpe laiwa sai shaning hta mung galaw lai wa sai re lam chye lu ai.