Solar system sharin wunkat galaw
Sam mung chyurum Wunpawng Laili Laika hte Htunghking Hpung Ginjaw, Ramma Dap kaw nna Solar system ningpawt ninghpang sharin wunkat hpe January shata 26 ya shani kawn, Kutkai mare kaw galaw hpaw sharin nga ai lam chye lu ai.
Wunkat hpaw ai hte seng nna Ramma Amu Madu, Lamung Tu Awng Lar ya naw zawn tsun ai hta “Ya hkyak hkyak Sam mung kaw majan a majaw wan ni grai yak taw ai, ta tut mai lang ai Power bank hpe kan bau bungli hku na chye galaw lang hkra, Power bank hpe ramma dap kaw nna galaw shapraw nna, ramma dap kaw mung gumhpraw shang wa hkra, Power bank hpe gat lawk de lu dut shabra lu hkra yaw shada let sharin ya ai re” nga nna tsun ai.
Sharin wunkat hta Sara Chawngzawng Lum Dau kawn, Basic Electricity, Solar System (DC), Power bank hte Solar power station hpaji ni hpe sharin ya ai re lam chye lu ai.
Wunkat hta Sam mung kata ginwang (20) kaw na ramma marai (21) sa du sharin hkamla nga ai hte Kutkai ginwang hta laiwa sai aten ni hta mung, htunghking hte seng ai lam, Wunpawng madum hte seng ai lam, kawa hte langrung langrai amyu myu galaw ai hpaji ni hpe sharin ai lam ni galaw wa sai re hpe chye lu ai.
