Immigration magam gun nnan bai hkapla nga
Wunpawng Mungdan Shanglawt Asuya, Mungchying Uphkang Dap, masha pru/shang gawnhkang makan dap kaw nna, immigration magam gun nnan ni hpe bai hkap la nga sai lam chye lu ai.
Masat yan (16) bai hpaw sharin sa wa na re ai majaw, Immigration magam bungli hta myit lawm ai ramma ni hpe February shata praw 2 ya shani kaw nna 15 ya shani laman, mying jahpan hkapla nga sai lam, ndau laika shapraw da ai kaw na chye lu ai.
Magam gun na ramma ni gaw, asak (18) ning hpring ai wa rai ra na, nang hpam ka-ni tsep kawp nlu sha ai wa rai ra na, hpaji madang yawm htum lahta tsang jawng lung ngut ai ni, tsang (12) awng/jan mau gup ngut sai ni rai ra na, hkum hkrang hkamja lam nga ra na hte num zawn la zawn re nrai ra na lam chye lu ai.
Immigration magam bungli hta myit lawm ai ramma ni gaw, tinang hte ni nawn ai asuya rung ni hta mying jahpan jaw nna, matut mahkai la mai ai lam chye lu ai.
