Mungshawa arung arai hpe Myen hpyen dap ni mya lu mya la nga
Hpakant ginra kata na mungshawa arung arai hpe gumshem Myen hpyen dap ni mya lu mya la nga ai lam chye lu ai.
Gasat gala majan a majaw hpyen hprawng koi yen nga ai, Hpakant Mashi Kahtawng na mungshawa ni a manu dan ai arung arai ni hpe gumshem Myen hpyen dap ni mya lu mya la nga ai lam, ginra masha ni kaw na chye lu ai.
Gumshem Myen hpyen dap ni Mashi Kahtawng akyu hpyi bum maga de hpyen n-gun kaba hte htu shadut shamu shamawt wa ai majaw, dai ginra na mungshawa ni hkrit tsang nna, hpyen hprawng koi yen nga ai kaw mungshawa ni a arung arai ni hpe lagu htaw shaw la nga ai re lam chye lu ai.
Ya aten Mashi Kahtawng grup yin de gumshem Myen hpyen dap ni hpyen shamu shamawt htu shadut nga ai majaw, KIA pawng hpawm hpyen hpung ni hte hpyen masa shaja hkat nga ai rai nna, aten ntam gasat gala majan byin wa na hpe hkrit tsang ai majaw, mungshawa ni gan koi yen nga ai kaw ndai zawn mya la hkrum nga ai re lam chye lu ai.
