Sam Pai mare kaw nbungli bawm wa jahkrat gap gasat

Sam Pai mare kaw gumshem Myen hpyen dap ni nbungli hte bawm wa jahkrat gap gasat ai lam chye lu ai.

March shata praw 2 ya shana, Ga Ra Yang Ninghtawn, Sam Pai mare kaw gumshem Myen hpyen dap ni nbungli hte bawm (4) lang wa gap gasat ai majaw, mungshawa dum nta hten za mat ai lam, ginra masha ni shana wa ai kaw na chye lu ai.

Nbungli bawm gaw Sam Pai mare na, Hpungtau Nhtum Zau Awng a nta makau kaw (2) lang, Lai Law mahkrai pawt kaw (2) lang wa hkrat kapaw ai rai nna, dun nta hte dinghku arung arai ni htenza mat ai raitim, mungshawa hkra hkala ai lam nnga ai hpe chye lu ai.

Sam Pai mare hta ya aten, hpyen hprawng koi yen nga ai mungshawa ni mare gaw sharawt bungli galaw let bai wa nga magang sai hta gumshem Myen hpyen dap ni kawn, gasat gala majan byin ai lam nnga ai raitim, ya na zawn nbungli hte wa gap gasat ai re lam chye lu ai.