Hpakant ginra gasat gala majan byin

KIA Masat (9) Dap Ba, Hpakant ginra hta gasat gala majan bai byin nga ai lam chye lu ai.

March shata praw 3 ya shani kaw nna, Hpakant Mashi Kahtawng akyu hpyi bum grup yin kaw KIA pawng hpawm hpyen hpung ni hte gumshem Myen hpyen dap ni gasat gala majan bai byin nga ai lam, lit nga ai salang ni tsun ai.

Gumshem Myen hpyen dap gaw, gasat gala majan nbyin ai shara hkan raitim, laknak kaba ni hte hkrup mara gap shadam bun nga ai majaw, March shata praw 4 ya shani Jan. Ja Hpa Lu asak (70) ning daram hte num kasha langai hkala hkrum ai lam nga ai hpe chye lu ai.

Hpakant ginra hta gaw gasat gala majan nbyin ai aten hkan raitim, gumshem Myen hpyen dap gaw laknak kaba, drone, nbungli ni hte ding yang ngu na wa gap gasat nga ai majaw, mungshawa si hkala hkum nga ai hte dum nta ni mung, hten za hkrum nga ai lam chye lu ai.