Munggu mare na hkalup hpung sara marai 2 hpe htawng dam jahkrat

Mungmyit Sinli Ga ( Kachin Sub-State ) Munggu mare na hkalup hpung woi sara Hpt. Dumdaw Nawng Lat hte sara Langjaw Gam Seng yan hpe October 27 ya shani Lashio tara rung kaw na htawng dam jahkrat dat sai lam na chye lu ai.

Hpt. Dumdaw Nawng Lat hpe gaw Pukma 17/1. Pukma 500. Pukma 8 ni hte htawngdam 4 ning shata 3 jahkrat dat ai rai nna, sara Langjaw Gam Seng hpe gaw Pukma 17/1. Pukma 8 hte htawngdam 2 ning shata 3 jahkrat dat sai re.

Ndai sara yan hpe laiwa sai shaning hta Munggu mare kaw gasat gala majan byin ai aten hta shisawk ni hpe shiga jaw ai lam, Myen hpyen dap hpe sari jahpoi ai, gunrai pru shang pukma ni hte rim ahkyak la da ai rai nna ya she tara rung kaw na htawngdam jahkrat dat ai re lam chye lu ai.