Nta wan hkru ai majaw, mungshawa asak si sum

Namhpakka mare kaw dum nta wan hkru wa ai majaw, mungshawa asak si sum mat ai lam chye lu ai.

March shata praw 8 ya shana hkying 8:30pm aten daram hta Namhpakka lawk (6) na dum nta langai wan hkru wa ai majaw, mungshawa marai (2) asak si sum mat ai lam, ginra masha ni kaw na chye lu ai.

Jak sau tawn da ai shara makau kaw wan hkret hkret shachyi dat ai kaw na wan hkru hpang wa ai rai nna, asak (56) ning daram re hpawmi langai hte kashu ang ai asak (10) ning daram re num kasha langai, wan hkru si lawm mat ai, nta mung hkru lawm mat ai re lam, ginra masha ni matut tsun ai kaw na chye lu ai.

Namhpakka mare kaw dum nta wan hkru ai maning kaw na rai yang (4) lang rai sai hta law malawng gaw wan hpe sadi ai lam nnga ai majaw, byin wa ai re lam chye lu ai.