Ka-ni htu taw ai masha marai 3 hpe dung rawt 150 lang galaw shangun nna bai dat
Hpakant Maw Wan kaji pat jasan hpung ni October 29 ya shani Unity lung seng company nhkun makau kaw ka-ni htu taw nga ai masha marai 3 hpe lu rim ai lam na chye lu ai.
Ka-ni htu taw ai ni gaw, Maw Wan kaji na salang Nhkum La, Maw Wan kaba na salang Latau Naw Awng hte shadang Labang La Ring ni re.
Dai marai 3 hpe nanhte gaw, shing na hte gayet hkam na i? ( snr ) dung rawt 150 lang galaw na i? ngu san yang dung rawt galaw na nga hkam la ai majaw, dung rawt 150 lang galaw nna, hpang de ka-ni nlu sha na matu ga sadi ta masat htu shangun nhtawm bai dat dat sai lam, pat jasat hpung na salang langai tsun ai kawn chye lu ai.
October 23 ya shani hta mung Maw Wan kaji, lung seng company makau kaw ka-ni hpraw dut garan taw ai salang Ah We hte shadang Tangbau Naw Awng yan hpe pat jasan hpung ni lu rim nna, salang Ah We hpe gaw Maw Wan kaji mare na gawt shapraw kau ai, shadang Tangbau Naw Awng hpe gaw Maw Wan kaji gai wang kata tsep kawp nshang na matu tsun sadi jaw ai lam byin sai re hpe chye lu ai.
