Jawngma hpyen dap hpaw shabawn ai 29 ning hpring masat ninghtoi hpawng galaw

KIO ginjaw Laiza Muklum makau Janghtung Lahkum bum ေဒါင္းစစ္သည္ ခန္းမ kaw Myen Mung jawngma hpyen dap ABSDF hpaw shabawn ai 29 ning hpring masat ninghtoi hpawng hpe November praw 1 ya shani galaw ai lam chye lu ai.

Jawngma hpyen dap gaw 1988 ning Democracy ahkaw ahkang lu na matu, Myen hpyen dap asuya hpe gumlau rawt malan na, hpaw shabawn hpang wa ai laknak lang wuhpung langai re.

Ndai jawngma dap ni gaw 2015 ning hta NCA lakmat htu lawm ai wuhpung langai mung re. Dingdung jawngma hpyen dap hpe gaw, KIO ginjaw uphkang ginra hta naw tawn da ai.

Dai ni na 29 ning hpring masat ninghtoi hta mung jawngma dap a ndau shabra laika hpe ndau shabra dat ai lam chye lu ai.