Shwegu ginra gasat gala majan matut byin nga

KIA Masat (11) Dap Ba, Masat (12) Dap Dung, Shwegu ginra hta gasat gala majan matut byin nga ai lam chye lu ai.

June shata praw 2 ya jahpawt hkying 9:00am aten daram kaw nna, Shwegu ginra Manalay mare grup yin kaw KIA pawng hpawm hpyen hpung ni hte gumshem Myen hpyen dap ni gasat gala majan matut byin nga ai lam, lit nga ai salang ni tsun ai.

Gasat gala majan byin nga ai aten gumshem Myen hpyen dap kawn, Jet Fighter hte numdaw (3) lang wa gap gasat ai rai nna, rocket machine gun ni hte mung wa gap gasat ai re lam chye lu ai.

Shwegu ginra hta gaw laiwa sai May shata praw kawn, KIA pawng hpawm hpyen hpung ni hte gumshem Myen hpyen dap ni gasat gala majan byin nga ai gaw dai ni du hkra ai rai nna, lahkawng maga hpyen masa shaja hkat nga ding yang re ai lam chye lu ai.