Shwegu ginra gasat gala majan matut byin nga
KIA Masat (11) Dap Ba, Masat (12) Dap Dung, Shwegu ginra hta gasat gala majan matut byin nga ai lam chye lu ai.
July shata 28 ya jahpawt hkying 4:00am aten daram kaw nna, Shwegu ginra hta KIA pawng hpawm hpyen hpung ni hte gumshem Myen hpyen dap ni gasat gala majan laja lana matut byin nga ai lam, shawnglam lit nga ai salang ni tsun ai.
Gasat gala majan laja nga ai hta gumshem Myen hpyen dap ni nbungli hte bawm 50 jan lang wa gap gasat ai lam nga ai rai nna, lahkawng maga hpyen masa shaja hkat nga ding yang re ai hpe chye lu ai.
KIA Masat (9) Dap Ba, Masat (26) Dap Dung, Hpakant ginra hta mung, July shata 27 ya shana maga hkying 3:00pm aten daram hta gumshem Myen hpyen hpyen dap hte P.T.Ts pawng hpawm hpyen hpung ni hpyen shamu shamawt htu shadut wa ai majaw, gasat gala majan byin wa ai re lam chye lu ai.
Shwegu, Hpakant hte Hkawng Lang Hpu ginra ni hta ya aten, gumshem Myen hpyen dap maga hpyen shamu shamawt htu shadut ai lam ni ding yang galaw nga ai majaw, shani shagu ngu na gasat gala majan byin nga ai hpe chye lu ai.
