Ginjaw Komiti kaw share shagan masat ninghtoi hpawng hte chyeju shakawn wunli la akyu hpyi hpawng galaw
Wunpawng Mungdan Shanglawt Hpung Ginjaw Komiti kaw share shagan masat ninghtoi hpawng hte chyeju shakawn wunli la akyu hpyi hpawng lamang hpe August shata 10 ya jahpawt hkying 8:00am aten hta Ginjaw Komiti rung kaw galaw ai lam chye lu ai.
Hpawng hta Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw, Wunpawng Mungdan Shanglawt Hpyen Dap Dap Up Daju, Du Daju Jum Nban La a share shagan masat ninghtoi mungga hpe Ginjaw Komiti Ninggawn Amu Madu, Sara Kaba Kumhtat Hting Nan kaw nna hti ndau ai lam galaw ai.
Share shagan masat ninghtoi mungga hti ndau ngut ai hpang, KIC Ningbaw Malai Du Kaba Sumlut Gun Maw kaw nna, mungga a ntsa jahpra sanglang dan ai lam hpe matut galaw ai re.
Dai ni na hpawng hta Ginjaw Komiti salang ni, Magam Dap Makan Dap hkan na du salang ni, nawku hpung woi sara ni, amyu shayi ni, hpunau rawt malan wuhpung wuhpawng na du salang ni sa du shanglawm ai hte galaw ngut kre la lu sai lam chye lu ai.
