KIA Dap Ba ( 2 ) hte Dap Ba ( 4 ) ginra hta gasat majan matut byin

KIA Dap Ba ( 2 ) Dap Dung ( 14 ) hpyen hpung ni yen kau da ai Maisak post kaw shara jahkrat nga ai Hk.L.Y ( 86 ) dap na hpyen hpung hte KIA hpyen hpung ni, November 15 ya shana hkying 6:00pm aten hta Maisak post hte N-ga Ga lapran kaw gasat majan byin ai lam, shawnglam shisawk ni kawn chye lu ai.

Mungmyit Sinli Ga ( Kachin Sub-State ) KIA Dap Ba ( 4 ) Dap Dung ( 9 ) ginra, Kawng Mu makau kaw, November 15 ya shani hkying 1:18pm aten hta KIA hpyen hpung hte Hk.L.Y ( 83 ), Hk.M.Y ( 103 ) dap na pawnghpawm hpyen hpung ni gasat majan byin ai.

Ndai Myen hpyen hpung ni hte sha November 14 ya shani hta mung, Kawng Mu makau kaw gasat majan byin ai re hpe chye lu ai.