Myen hpyen dap ni KIA hpyen hpung ni nga ai shara de laknak kaba 120mm gap bun

KIA Dap Ba ( 3 ) Dap Dung ( 27 ) ginra, Man Dat kaw dap jung nga ai Myen hpyen ni, November 19 ya shani hkying 10:07am aten kaw na hkying 10:24am aten laman, KIA hpyen hpung ni nga ai shara Loi Dawm Bum maga de, laknak kaba 120mm ( 4 ) lang gap bun ai lam, shawnglam shisawk ni kawn chye lu ai.

November 18 ya shani hkying 11:30am aten hta mung, KIA Dap Ba ( 2 ) Dap Dung ( 14 ) ginra, Nawng Lung Kawng Ra mare maga kawn shang wa ai Myen hpyen hpung hte KIA hpyen hpung ni Namhpyek hka hkrai noi kaw gasat poi byin ai.

Dai majan byin ai shara de, Lagang Pa hte Nawng Lung hka mayan hta shara la nga ai Myen hpyen hpung ni sinat kaba hte matut manoi gap bun ai lam chye lu ai.