Myen hpyen hpung ni lai wa lai sa Mungshawa ni hpe laja lana hkum pat sawk jep nga
KIA Dap Ba ( 2 ) ginra, Sut Manau lam Mile ( 5 ) mare makau kaw dap jung nga ai Hk.M.Y ( 318 ) dap hpyen hpung ni gaw, Awng Lawt mare lung wa ai mungmasha ni hpe, November 18 ya shani kaw nna hkum pat kau ai lam, buga masha ni kawn chye lu ai.
November 19 ya shani gaw, Awng Lawt mare lung wa ai lam hpe, Pe ( 2 ) daram htu di kau nhtawm, masawn jun nhpan kum pat kau sai.
Hk.M.Y ( 318 ) dap hpe woi awn ai Major ေအာင္ၿပည့္ျဖဳိး mungmasha ni hpe tsun ai hta “ Ngai gaw shawnglam post hkan kalang mung nnga yu ai, ntsa kaw nna matsun wa yang n-gwi ningdang ai dai majaw, ya na zawn Awng Lawt lam hpe htu di, kum pat kau ai re” ngu tsun ai lam chye lu ai.
Lamung mare na Pyi Tu Tsit ( P.T.Ts ) hpung ni mung, Makaw mare အမ်ဳိးသားၾကီးပြားတိုတက္ေရး Company kaw nna, Nam Gawn Zup, ရခုိင္ကုန္း sa wa ai lam numbraw kaw, laiwa laisa mungshawa ni hpe laja lana san sawk jep nga ai lam matut chye lu ai.
