KIA hte Myen hpyen ni gasat gala majan matut manoi byin nga

KIA Dap Ba ( 3 ) Dap Dung ( 27 ) ginra, Loi Yai maga na lung wa ai Myen hpyen hpung hte KIA hpyen hpung ni, December 21 ya shani hkying 10:30am aten hta Hka Kan lahta Sha-u Bum mayan kaw majan byin ai lam, shawnglam shisawk ni shana kawn chye lu ai.

Shani ka-ang hkying 12:05pm aten hta gaw, Maji Gung kaba, Hka Chyang Hku hte Hku Bung shara ni kaw, Myen hpyen ni Jet Fighter ( 2 ) hte numdaw ( 4 ) lang bawm sa jahkrat gap ai.

Daini December 22 ya jahpawt hkying 8:10am aten kaw nna, Sha-u Bum mayan kaw majan matut manoi byin nga ai lam shawnglam kaw du nga ai salang langai shana wa ai.

KIA Dap Ba ( 5 ) Dap Dung ( 18 ) ginra, Namsan Yang, Lazing Kawng, Ban Dawng mare ni hta shamu shamawt nga ai Myen hpyen hpung ni, Decembe 22 ya shani hkying 10:00am aten daram hta KIA ni hkam da ai bawm kapaw la nna sinat hkrum mara gap bun ai lam chye lu ai.

Namsan Yang mare makau Lai Lum Awng Ja kaw dap jung shara jahkrat nga ai Myen hpyen ni mung, laknak kaba hte hkrup mara gap bun nga ai lam chye lu ai.