KIA Dap Dung ( 14 ) hte Dap Dung ( 27 ) ginra ni hta majan byin

KIA Dap Ba ( 2 ) Dap Dung ( 14 ) ginra, Pat Bum hte Woi Law mare htum pa mayan kaw December, 25 ya shani jahpawt hkying 9:55am aten kaw na hkying 10:05am aten laman KIA hpyen hpung hte Myen hpyen hpung ni laja lana gasat gala majan byin ai.

Shana daw hkying 2:30pm aten kawn hkying 4:55pm aten laman numdaw mi bai gasat majan byin ai, Dai hpang Mung Hkawng Post kaw nga ai Myen hpyen hpung ni gasat gala majan byin ai shara de laknak kaba ( 100 ) jan lang matut manoi gap bun ai lam, shawnglam shisawk ni kawn chye lu ai.

KIA Dap Ba ( 3 ) Dap Dung ( 27 ) ginra hta mung, Gawk Ngu Yang maga hku shamu shamawt lung wa ai Myen hpyen hpung hte KIA hpyen hpung ni, December 25 ya shani ka-ang hkying 12:18pm aten hta Gawk Ngu Yang hte Nam Mak Zup lapran Dawai Kadawng kaw gasat gala majan byin ai lam chye lu ai.