70 ning hpring Jinghpaw Mungdaw masat ninghtoi akyu hpyi hpawng galaw
70 ning hpring Jinghpaw Mungdaw masat ninghtoi akyu hpyi hpawng lamang hpe, daini January 10 ya hkying 10:00am aten kaw na hkying 3:00pm aten du hkra, WMR hte kaga wuhpung wuhpawng ni jawm myithkrum woi awn nna, Myitkyina Muklum Shatapru manau wang hta masha n-gun 5,000 daram sa du shanglawm ai hte galaw ai lam chye lu ai.
Hpawng hta lamang masum hku garan nna galaw ai rai nna, langai akyu hpyi ai lam, lahkawng Mungkan kaw na shagrau hkrum ai kanu kawa ni hte 2016-2017 hpaji ladaw tsang 10 hta All subjects Distinction lu ai ramma ni hpe shagrau sha-a ai lam galaw ai, masum Kachin State Day hte seng ai gamung nau ra ni hte mahkawn yu ngwi lamang ni galaw ai lam, hpawng hta lawm ai sara langai shana wa ai.
Ndai Jinghpaw Mungdaw masat ninghtoi lamang hpe Namti Lambraw Yang mare, Ka Mai hte Hpakant, Maw Wan nlung shadaw masat hta mung galaw ai rai nna, Myusha Dawnghkawn ni hpe mung Wunpawng Kachin ni a nta shagu hta sharawt tawn ai lam chye lu ai.
