Myen hpyen dap ni sinat hkrup mara gap bun ai majaw mungshawa ni hprawng yen

Sinna Ginwang Ginjaw, KIA Dap Ba ( 2 ) ginra, Danai D.K.Ts kata na Myen hpyen hpung ni, January 10 ya shani sinat hkrum mara gap ai majaw, Lawt Ja mare na mungshawa ni Danai Muklum de hpawng yen ai lam, buga masha ni kawn chye lu ai.

Dai Myen hpyen hpung ni gaw, Danai hka kau Seng Tawng hkauna pa kaw du nga ai ni rai nna, Danai hka hte Dabri Zup lahta Lawt Ja mare de sinat kaba 60mm 2 lang, Nbrai hkauna pa de 2 lang gap bun ai majaw mungshawa ni hprawng yen ai re lam, buga na salang langai tsun ai.

Danai Muklum Du Kawng lawk na mare salang ni mung, January 10 ya jahpawt hkying 9:00am aten hta nsen htawn jak hte mare shingnawm de nmai hkawmsa ai ngu ndau hkawm ai lam chye lu ai.