Myen hpyen hpung ni pat shingdang tawn ai Mungshawa ni hpe dat ya na matu shawa n-gun madun

Myitkyina Muklum, Manau Wang kaw na February praw, 5 ya jahpawt hkying 9:00am aten hta WMR, Myusha Zinlum Hpung, CEOs hte Hpung woi sara ni woi awn nna, lam hkawm n-gun madun lamang galaw ai lam na chye lu ai.

Hugawng ginwang kata hpyen majan a majaw, Myen hpyen hpung ni pat shingdang tawn ai Mungshawa ni hpe lawan shapraw ya na matu, Mara n-nga Mungshawa ni hpe sat zingri, nbungli ni hte gap ai lam n ra sharawng ai ngu ndau nna, Mungshawa yawng marai ( 3000 ) jan shang lawm nna lam hkawm n-gun madun lamang galaw ai lam shi sawk ni kawn chye lu ai.