KIA hte Myen hpyen hpung ni gasat gala majan byin

KIA Dap Ba ( 1 ) Dap Dung ( 7 ) ginra hta February 10 ya shani ka-ang hkying 12:00non aten hta KIA hpyen hpung hte Hk.L.Y ( 46, 137 ) dap, Dang Gu Tang woi awn ai Pyi Tu Tsit ( P.T.Ts ) pawnghpawm hpyen hpung ni, Nhka Ga kaw ang katut gasat gala majan byin ai lam, shawnglam shisawk ni kawn chye lu ai.

February praw 8 ya shani hta mung, KIA Dap Ba ( 3 ) Dap Dung ( 27 ) hpyen hpung ni Man Chyam mare Prang Hkyet Kawng maga de ginra gawan hkawm ai aten, Hk.L.Y ( 121 ) dap ni hte ang katut gasat poi byin ai.

KIA Dap Dung ( 27 ) ginra sha rai nga ai, Je Sawn Lunghkat Bum kaw du nga ai Myen hpyen hpung ni mung, Lahtaw Bum maga ginra jasan na re majaw, mungmasha ni hpe laiwa laisa kadai n-galaw na matu tsun shana da ai lam chye lu ai.