KIA Dap Dung ( 2 ) hte Dap Dung ( 27 ) ginra hta gasat gala majan byin
KIA Dap Ba ( 3 ) Dap Dung ( 27 ) hte Mungmyit Sinli Ga ( Kachin Sub-State ) KIA Dap Ba ( 10 ) Dap Dung ( 2 ) ginra ni hta February 16 ya shani, Myen hpyen hpung hte gasat gala byin ai lam chye lu ai.
KIA Dap Dung ( 27 ) hpyen hpung ni shara la nga ai Maji Gung kaba de Myen hpyen hpung ni htu shadut lung wa ai majaw, numdaw ( 3 ) lang laja lana gasat poi byin ai lam, shawnglam na salang langai shana wa ai.
Kaihtik kaw dung ai Myen hpyen dap ni mung, Maji Gung kaba de 105mm laknak kaba hte gap bun ai.
KIA Dap Dung ( 2 ) ginra hta mung, Myen hpyen dap, Hk.M.Y ( 368 ) kata na hpyen n-gun 70 daram hte KIA hpyen hpung ni, Mungpaw pa kaw gasat poi byin ai.
KIA Dap Dung ( 2 ) ginra hta sha, Myen hpyen hpung hte Kugang hpyen hpung MNDAA ni, Bang Sak hte Jau Myen mare lapran kaw gasat majan byin ai lam chye lu ai.
