Kachin Mungmasa Pawng Hpawm Pati ni hkrum zup bawng ban hpawng galaw
Kachin Mungmasa pawng hpawm Pati ni a hkrum zup sanglang hpawng hpe February, 20 ya shani hkying 10:00am aten hta Myitkyina, Majoi Gawknu kaw galaw ai lam chye lu ai.
Ndai sang lang hpawng gaw Kachin Mungmasa pawng hpawm Pati hpung ni a, Pati kata ya du hkra galaw nga ai magam bungli ni hpe Pati kaw shang lawm ai Salang ni hte Media ni hpe tsun sanglang dan ai hpawng rai n htawm Pati Dawng Hkawn Mying lata da lu sai lam Dr. Manam Tu Ja kawn tsun ai.
Dr. Manam Tu Ja matut tsun ai hta, dai ni daw dan da ai lam ni hpe March shata 31 ya shani galaw na WMR Mungshawa zuphpawng kaw tang madun nna, shading sharai gram shatup mat wa na. Pati hkum ai shani hte mung shawa ni hku nna mung jawm daw dan sa wa na re lam tsun ai. Kachin mung masa Pati pawng hpawm hpung hta KNC, KDP hte KSDP Pati ni jawm pawng hpawm tawn da ai re lam chye lu ai.
