Myen hpyen hpung hte KIA ni gasat gala majan byin

KIA Dap Ba ( 1 ) Dap Dung ( 4 ) ginra, Daru Yang mare kawn lung wa ai Myen hpyen hpung hte KIA hpyen hpung ni, February 22 ya shani hkying 10:00am aten daram hta Kawa Pang mare dingsa kaw gasat gala majan byin ai lam, shawnglam shisawk ni kawn chye lu ai.

KIA Dap Ba ( 3 ) Dap Dung ( 27 ) ginra, Hku Bung maga kawn KIA ni nga ai maga de, Myen hpyen hpung ni htu lung wa ai majaw, February 21 ya shani hkying 11:50am aten kaw nna hkying 1:00pm aten du hkra Hku Bung numshe kaw gasat poi byin ai.

Mungmyit Sinli Ga ( Kachin Sub-State ) KIA Dap Ba ( 10 ) Dap Dung ( 2 ) ginra hta mung, February 19 ya shani hkying 1:30pm aten hta KIA hpyen hpung hte Myen hpyen hpung ni, Nawng Hpai mare kaw gasat majan byin ai.

KIA Dap Dung ( 2 ) ginra hta sha, February 19 ya shana daw hkying 4:10pm aten hta Kugang hpyen hpung MNDAA, Balawng ( Ta-ang ) TNLA pawnghpawm hpyen hpung ni hte Myen hpyen hpung ni, Bang Sak kaw gasat majan byin ai lam chye lu ai.