Myen hpyen hpung ni laiwa laisa Mungshawa ni hpe sawk jep
Sinna Ginwang Ginjaw, KIA Dap Ba ( 2 ) Dap Dung ( 14 ) ginra, Ja Wang Maw hte Lawt Ja mare grup yin hkan shamu shamawt nga ai Myen hpyen hpung ni, February 26 ya shani hta laiwa laisa mungmasha ni hpe sawk jep nga ai lam, buga masha ni shana wa ai.
Dai Myen hpyen hpung ni gaw, Lawt Ja mare de sa wa ai lam kaw gat seng hpaw tawn ai salang Ko Oo a gat seng kaw nga nna laiwa laisa mungmasha ni hpe mungchying masat ( မွတ္ပုံတင္ ) hte gara de na wa, gara de sa ai ngu, sawk jep ai lam chye lu ai.
February 25 ya shani hta mung, KIA Dap Dung ( 11 ) ginra rai nga ai, Myitkyina Muklum masat ( 1 ) Myen Balik hte Nam Jim mare salang ni pawnghpawm nna, laiwa laisa mungmasha ntsen nhten ai ni hpe sawk jep nga ai lam, buga masha ni kawn chye lu ai.
