KIA Dap Ba ( 2 ) ginra hta matut manoi gasat majan byin

KIA Dap Ba ( 2 ) Dap Dung ( 14 ) ginra hta March praw, 7 ya shani hkying 1:00pm aten hta Nam Hkam mare Jak Li daru kaw shara la nga ai KIA hpyen hpung ni hte Myen hpyen hpung ni hkring dat gap dat rai matut manoi gasat majan byin ai lam shawng lam shi sawk ni kawn na chye lu ai.

Hkying 2:20pm aten hta mung Lup Wa Kawng kaw numdaw kalang bai gasat gala majan byin ai. Nam Hkam mayan hta March praw, 4 ya shani kawn shani shagu gasat gala majan byin nga ai lam chye lu ai.