Nam Mana mahkrai makau hte Nsai Yang mare makau kaw gasat gala majan byin

KIA Dap Ba ( 1 ) Dap Dung ( 7 ) ginra de hpyen modo ( 2 ) hte lung wa ai Myen hpyen ni hpe, March 10 shani hkying 1:00pm aten hta KIA hpyen hpung ni, Sumpyi Yang mare hte Nsai Yang mare lapran kaw hkap gap ai kawn gasat majan byin ai lam, shawnglam shisawk ni shana wa ai.

KIA Dap Ba ( 2 ) Dap Dung ( 14 ) ginra hta mung, March 10 ya shani hkying 11:20am aten hta Myen hpyen hpung ni gaw KIA hpyen hpung ni shara la nga ai Nam Mana mahkrai maga de matut htu lung wa ai majaw, laja lana gap gasat hkat ai lam chye lu ai.