38 lang na KBC hpung shawa zuphpawng galaw nga
Jinghpaw Wunpawng Hkalup Hpung Ginjaw KBC kaw nna woi awn let, 38 lang na hpung shawa zuphpawng kaba hpe, Waimaw Ginwang Chyum Jawng wang hta March 22 ya shani manam zup, 25 ya shani du hkra galaw sa wa na re lam chye lu ai.
Dai zuphpawng hta galaw sa wa na lamang ni gaw, Chyum laika sharin ai lam, 2018-2022 KBC magam gun nnan lata san ai lam hte Ningja Sharawt Manau hpe mung nau na re lam, Ma ni a lamang hte shana shagu laklai ai lamang ni nga ai.
Nsang Awng La hte mying gumhkawng ai KACHIN myusha ni hpe shagrau sha-a ai lamang ni, KBC kabu gara shiga hte Sasana magam dap Sasana masing lamang ni, KTCS, KTC Kutkai Chyum Jawng ni a Music Concert lamang ni, KBC Sasana Shingni ngu ai mahkawn hpe ginwang hte ginwang shingjawng ai hte KBC ramma dap a “TOWARD A NATION” ngu ai gamung naura lamang ni mung galaw na re lam, KBC shiga lawk kawn chye lu ai.
KBC a hpung shawa zuphpawng hpe 4 ning hta kalang galaw ai rai nna, lai wa sai 37 lang na zuphpawng kaba hpe gaw 2014 ning hta Uru Seng Maw Ginwang kaw galaw lai wa sai rai nga ai.
